Friday, October 4, 2013

තෙල් සාත්තුව.......


දළු හිනැහෙනවා

එක යායට

ඉඟටිය ලඟටම ගෑවෙන තරමට

නීල යායට...

හිනැහුනා තේ දළුවක්

සරදමට

නෑ හැඳුනුම්කමට !

 

හතරේ කණිසමට

වත්තේ මායිමේ

සුදු හුණු ගෑ බංගලාවට

දුවලා ගිහිං එනගමන්

සුදු මහත්තයැන්ගේ

කිරි සුදු පාට

කකුලට අමාරුවක්...

 

ඉල්ලුවම තෙල් සාත්තුවක්

කෝම කරරින්නද මං

 

හීතලට උණුහුමක්

හොය හොයා කිරි පුතුගේ

කෙඳිරිල්ලත් ඇහුණා

ගල ලඟ පල්ලමටම

කිරි එරෙතැයි බයෙන්

තද කරා ලැම සළුවෙන්

 

ආයෙත් ඉතිං හැරෙන්ටද

යන්නම එපැයි

දෙන්න තෙල් සාත්තුව 


2013.10.01

No comments:

Post a Comment